-080507
isang bunging suklay,
basag na salamin.
t-shirt na tastas ang laylayan,
kupas na pantalon.
para kahit paano'y maging gwapo sa paningin.
pudpod na tsinelas at
mickey 'mouse money' -
isang piso at dalawang beinte singko,
para makalayo sa palasyo.
pagdating sa kanto,
mag-aabang ng trak.
sasabit.
kakapit.
maghihintay hanggang may hump.
sabay talon.
sa tapat ng pintuan ni pareng kulas kakatok.
lilinga-linga.
nag-aabang ang isang lapad
at isang platitong mani.
lilipad sa kalawakan.
bumuga ng usok.
kumulog.
putsa!
black and white ang tv!
tatlong tagay,
dalawang bote,
isang dosena.
ayos sa aritmetik!
hindi pa lasing.
parating ang uwak.
bumulwak.
nagkalat ang bahaw.
buo pa ang tuyo,
durog ang mani.
susuray-suray.
uwian na.
dalawang fortune.
salamat sa 'mickey mouse money'.
maglalakad na lang.
butas na ang bulsa.
kunsabagay...
butas na sa simula pa.
dalawang kanto lang naman -
ng bilog?
walang katapusan.
basta't kabisado pa ang daan.
maghihintay na lang,
makarating sa palasyong iniwan.
at kinabukasan . . .
